好火滾

今日早上，本人既老哥又講我自閉港男，叫我同佢一齊去東涌掘蜆。

我梗係唔肯啦，又熱又要攪到周身泥，傻左咩

佢又叫我整homemade ice cream,咁煩，咪攪啦

之後，我叫佢去爺屋食lunch,佢卻叫我幫佢煮農心....

之後我本身都火啦，
佢仲要一路開電腦，一路話我係"高登佬"，只識研究d cpu周ram，你都痴線既，我而家都冇攪呢d野喇 !
我梗係超火，媽仲係爺屋話我"無啦啦，發脾氣"，你話啦,我會唔會更加怒不可遏?!梗係會啦
喺我最火時，我就自己去左北葵圖書館續借d書啦
點知主角K先生就打電話比我，叫我去石蔭食下野，
我梗係一口就叫佢出來北葵圖書館啦，
不料佢竟然Get唔到我既意思，以為我要佢等埋我先出，所以佢冇出到。
之後佢打比我，我就打番比佢，問佢出左未啦
點知佢用極不忿既語氣同我講野，仲講左一句我最僧既說話 :
"你出就出啦，而家好似要我求你出咁"-就係呢句，每次我哥一講呢句，我就會怒氣衝天，好似佢係我殺父仇人咁
你話呀，我火唔火?
我梗係罵佢啦，你唔出仲要咁講野 !
火火火!!!