[電腦] 係唔係 Chrome OS ?

     話說本人為左令自己個Blog有多D睇頭，我又上左Piratebay度Down野搵題材寫...點知比我見到一個Chrome OS既 ISO 比人下載，仲要超高速下載，去到 6.1 MB/s (咁就已經超過左 HKBN 既 25M 啦，所以就話囉，HKBN 求其用部思科機諗住限人速，真係唔係幾可靠)。好啦，之後我又Down左個VM Player 來試下佢...點知，ubuntu 仲好用過佢，真係嘥我時間 :( 。

不過，我冇認真去confirm佢係唔係chrome os，如果係假既，咁就...慘囉

好啦，先講佢個Live CD樣先:

見到都唔係好想用，一D都唔靚，比起ubuntu，佢返得屋企"食C" 。

再睇下佢用Live CD BOOT完個樣:

先要load段時間...:

我不禁地問，佢同平日既Linux有咩分別呀 ! 我開始懷疑自己down左假野囉 !

我打左password : root 之後安裝，佢就話部機至少要有 1G RAM，我頂!我用ubuntu都只係512M都load到，你就要成1GB?! 攪咩呀 !

佢個安裝介面:

又係正常Linux既樣，極之失望。

開機動畫都會lag lag 地，不過因為唔記得cap圖，所以就咁講啦:

佢只係一個Chrome既公仔加左D漸變，仲有D唔好聽既背景音樂*(至少Vista D聲好聽過佢好多)

仲有一樣野令我對佢印象更加差，就係佢對中文既支援真係差到不得了，講多無謂，睇圖啦 :

不過我都幾欣賞Workspace既設計，佢可以將你既工作列(Taskbar)放到既野化成4倍，只要你CLICK第1個格仔，就係"第1個taskbar”，第2格就第二，如此類推。

其他野就同正常Linux 既GUI差唔多啦，大家可以睇睇佢個"開始功能表":

仲有一樣野想提既，就係Google講既"7秒開機"喺呢個Test係冇可能既，我計過3次，最快35秒，最慢1分鐘多少少。可能因為我冇用SSD掛 ...... 睇來，佢比起其他OS，佢都唔係幾得喎，因為我隻Windows 98 都係 30 秒就已經開到機，仲上到網。

如果我唔係down到流野(假Chrome…)既話，我既 Chrome OS 任務就係咁完成啦~!總評 :

1.必需改善對中文的支援

2.可再加多一些獨特的設計

3.減低系統要求(即不用最少1G RAM)