尋日真係開心。
上午，上數學班，我根本冇心聽佢教咩，因為我根本未訓醒。事但啦，我都唔介意既，因為始終佢都係教緊 M1 D 野，我唔學都冇咩所謂。
下午，返學校教會。我第一次同 Marco “shake hand”，幾好，又多左個朋友。仲有，教會 D 人話喎，如果當一個人有性衝動既時候，記住飲水喎......係唔係架，如果係咁既，D 一日飲八杯水既人豈不是......
夜晚就開心啦，我同 TK 去睇《打擂台》既電影首映禮 ( 唔知係唔係叫首映禮 )，現場仲有 MC Jin 同D U膠仔玩 Freestyle Rap。唔使講，MC Jin 梗係勁過佢地好多。嗰晚，我﹑ TK 亦有同 MC Jin 揮手( 唔知佢會會記得我地呢 )。之後亦都見到 JJ 啦，劉德華啦，一蚊Joe啦同唐嘉麟( 佢真係幾慘下，冇人認得佢 ) 等等。
而尋晚我亦無啦啦又同 TK 講返 MC Jin Facebook 嗰件事，佢話我「一直入錯Group，仲要唔認」。唉，我都冇佢咁好氣，你知啦，當你同人講你係清白既時候，就梗係要證據......但係當時又冇電腦，咁我就只好一味笑住咁話佢癡線就算 ( 做人做到我咁真係膠 )。
好啦，我講下啦 :
^ 初初我係見佢個網址咁靚先入，而且我睇佢個 Info 都覺得應該唔係假既，而且我記得當時我見到 TK 都入左，我又點會唔入 @.@ !
^ 睇下，我早喺母親節之前(5月9日前)都已經入左，仲比左個 “like” 比佢。
^ 呢幅就係我喺大約5月20日既時候 like 既。而上個星期(5月22日)， TK 寸我入錯Group，我都諗唔到點解。
不過點都好，我同 TK 會更 friend，^_^...
沒有留言:
發佈留言