從 Miss Cheung 中學到了

「開口夾著利」

以往，我上到呢個 Blog 講野，我都會對自己睇唔過眼，唔如意既事，大肆宣傳，辱罵一餐，希望可以利用 Blog 出返一口氣，

順便令對方既醜事上網。言語中一味用自己既主觀感覺，唔會留半分情面，唔會諗對方感受，唔會理負咩責任，

總之鬧左先算，比人鬧先算。睇左之後如果有人唔滿意，就係佢對號入座，佢自己 EQ 低。

咁既做法，我當時極力推介。

但係而家既我，我唔會再咁做。我會好好記住 Miss 講過既一句 :

「要為自己公開既野負責任，你既然click 得發布，就即係你想全世界知。而且你既主觀感覺亦唔會係事實既全部。」

 

如今，我唔會再打一D令人難過，唔舒服既野上黎，因為根本冇必要，而且會傷害到人，就算唔講名，我都唔會。

如果要講名，都唔會講一D令人不安既事，或者係中性既事。

 

「對號入座」

MK 曾經講過 :「我冇講過名，佢自己對號入座，關我咩事 ? 」呢一句，我要重新思索。

呢個根本唔係對號入座既問題，

因為個人既圈子一定唔會好大，而你打得上網，你都唔會打算冇人知，而且應該係近期既事先會打上去。

咁即係話，你打上去，就應該係親近既(朋友或同學)，近期既(事件或新聞)，同埋想人知既。

 

有時問題唔在於人地認唔認，而係人地睇左會唔會唔舒服，會唔會不安，而且佢會做D咩應對你既說話。

只要對方覺得唔妥，想你刪，咁你就要應該盡返責任，刪左佢。

 

「參選學生會，組內閣，吵架收場」

另外，我記得之前攪學生會，曾經因為受人影響而動議 36denieleric 走，我承認此事乃本人既錯，

而事後亦有同當時人解釋同道歉，盡力補救，無愧於心。不過我亦唔希望呢件事重提。

仲有，我曾經被組員指經常唔出席開會，以及冇做過野。呢一方面，唔出席開會，雖然都我既問題，

但其實我亦都有野要做，最記得有一次我要去慶祝家人既大壽，同有兩次要去交易舊零件。

仲有，將心比己，如果你本身已經忙碌不堪，但仍然要每日開2-3小時而冇任何共識，或者唔認真既會議，你會有心機嗎 ?

( 開會講吓笑絕對可以，但唔應該玩晒卡，傾埋閒計掛 )

一味 BAN 人意見既會議，開得過嗎 ?

至於冇做過野，只係工作分配上，以及工作性質既問題。我，有做野既，只係唔主動，唔多而已。

每個人都一樣，毋須將自己放得好大，好緊要，咩都做晒。亦都唔應該妄自菲薄，覺得自己咩都冇做。

 

「往者不可諫 來者猶可追」

學生會一事已經完結，喺入面，我學到好多人情世故，以及處事技巧，

不論係組員間既不協調，互相誤解，互相不體諒，由一開始直到此日記發布既一刻都仍然喺度，我亦正從中學習，

但係每個人喺當中學到又好，學唔到都好，我地應該要放低舊事，繼續過日後更多日子，走更遠既路。

過分掏泥於此事，只會破壞彼此關係，影響情緒，更令自己停滯不前，那又何苦 ?

 

「放手，放開所有」

林峯 既 <<愛不疚>>中有幾句歌詞，就算唔係講愛情，都一樣有意思 :

放手 放開所有 彼此更自由 ....
放手 豁出所有 還有這個好友
已經 已經足夠

事過境遷，我希望既唔單止係參選學生會既證明書，而係同每位磨合後，更堅固既情誼。

不過，大家肯放開，然後接受嗎 ?

經過學生會一事，以及 Miss 對我講既野，我終於有答案 : Yes, I do. But how about you ?

 

附送一首 : 林峰-愛不疚 給各位吧 !