終於又再次考完試啦 ! 感覺 : 矛盾啊

一年總要考兩次大考，今年亦冇機會例外。考呀考，考咗幾星期，終於都完結了‧

個心當然就係當堂鬆晒啦 ! 不過，喺呢一刻，我又覺得有點兒矛盾。

話說未考試之前，我早已經有一個網絡計劃要推出，只不過由於時間緊迫，只係做咗一個測試網頁。

而家考完試啦，當然就要正正式式投入去做啦 ! 但係啱啱考完試，又想 relax 吓，所以唔想咁快郁手，

攪到我而家真係幾矛盾。

而另一件事，就係阿富開咗個討論區，恭喜晒啦 !

最初，佢個討論區係用 marlito 申請既，但係之後佢覺得唔滿意，就決定用免空自架一個 (即係用免費空間自行架設)。

佢雖然要求過我幫忙，但我一直都用最少以及被動既形式去幫佢，甚至唔幫佢 (詳細就算啦唔講)，因為我覺得 :

其一 : 自己做壇主，一定要靠自己努力，咁先好玩。

其二 : 架 Discuz!，改界面等既工作根本唔使識 php 同 html，所以並非難事。

其三 : 呢個係一個好好既機會學識 Googling。

所以，我一直都唔決定主動幫佢。直到現時呢一刻，我都覺得 : 咁做冇咩問題吖 ?

不過，我就真係好想知阿富會點諗我。希望佢唔會覺得我黑心啦 sosad ...... 

(  PS : 陶陶靠你啦 )