三個不同計劃，三個不同模式，結果都相近。只因為我重複犯錯。有時間自我檢討下，先發現有咁多問題。
J-Radio HK ，原名 PalRadio。原本係一個即時網上電台，後來就變左一個 Podcast Channel。但係自上年 10 月開始，已經冇咩點更新過。
經過反思，我覺得個台其實有好多問題。
首先既受眾目標有問題。一直都唔明白，究竟目標既聽眾係邊個。
而且，宣傳手法都有問題：自己明明想做大佢，但係又唔好好地宣傳。
加上自己又太易受人影響：明明知道自己想行呢個計劃，但係就因為人地既講法以及返學既壓力而放棄，仲問呀 him 做唔做台長 … 諗落都覺得低b 。
最後，DJ 又走，聽眾又走，自己個心亦都淡晒，先決定將個台易名，以播錄製節目為主。我覺得自己真係好失敗 …
revealol 資訊雜誌係一個多人 Blog，整個網以非商業形式製作，讓唔同既作者可以就佢地既專長或興趣寫文。
結果最後係有人參加，冇人寫野。其實又唔怪得佢地，因為始終佢地會覺得個網唔係自己既，咁就當然唔會全力做。
而家我發現，其實做咩都好，最緊要係參與者有歸屬感，如果唔係，你做咩都係嘥氣。呢點，當時我並唔明白。
最後就係 GeekSon 計劃。呢個係一個以商業形式運作既資訊網站。透個唔同編輯既文章，製成一個香港既科技資訊網。
整個計劃入面既部分地方，424 講得有佢既道理，只係我既個人偏見，再加上受其他人影響，而冇接納過，咁已經危險 …
最後仲同過其他人嘈。
沒有留言:
發佈留言