諗返起上個星期，都幾無聊同尷尬。
平時返學，我坐既嗰個位，都幾好吖，距離都 OK，而且唔會有人煩。
不過，我個人總係覺得好唔慣，又唔知講咩，又唔想唔出聲 ...... 所以先去攪爛 gag。
星期五果日，我同陶陶 ( 都係改唔到呢種叫法... ) 一齊去聽 WP7 既developing 講座。
好攪野，我同佢一路行，一路冇野好講... 同佢又好似玩緊拋波波咁，你一句完左，我又接一句......
講座完左啦，我打比阿媽報平安，但咁做事實上唔多唔少都係怕大家又冇野講。( /口\ )
我發覺，好多野都變左
一，我總係覺得人地對我開始唔同左，可能係因為我性格差左 ? 定係D 咩原因 ? 我都唔知
二，我終於知道自己怕寂寞，同埋好怕冇人同我講野，或者我冇野同人講
三，原來我唔係咩叻仔，只係一個好普通既人。而且仲有D 雙面人，因為原來我唔敢同人講心事
PS : 今次 WP7 講座，亦令我諗起我有張 8 月尾到期既 OCP 考試卷 ...... 死啦死啦，點算好 ......
人大左,經歷太多,對人既防衛更加多左
回覆刪除你所講既一丶二丶三...
就會愈明顯,自己就愈感覺得愈深
有時會開始搵唔番自己
我都唔知點解會咁
只係,,加油啦!搵番自己個平衡番黎..