經過唔理智，身心都非常疲累的星期一及二，我對事情既睇法，開始改變。
對別人的關心，一定要期望回報的嗎？
我發現自己太過執著，執著到完全忘記自己。
記得以往既自己，根本唔在意對方如何重視自己，只希望幫助到對方，
但呢幾日既我，竟然完全方寸大亂？！
今日，我會同自己講：
夠啦，何必執意對方的心？何必擔心自己控制唔到既對方，對自己如何回報？
難道回報真係咁重要咩？
「倒不如我唔搵啦。我費事佢唔回我，攪到我亂諗野」
打MSN或者SMS，應該都會試過一個問題：就係對方突然唔回應，或者態度超冷淡。
呢個時候，自己就會亂諗野：「佢係唔係嬲左我啦？」、「我係唔係好煩呢？」……
雖然有時對方真係因為嬲左自己先唔應，或者係因為唔想傾，
不過，自己又可唔可以積極一啲呢？或者可能只係對方有野做？
如果控制唔到自己唔亂諗野既，咁不如唔好搵對方啦，
因為咁做自己就唔會有機會亂諗野，或者，可能係一件好事？
答案？一定要答案？
以往既我，做每一樣野，每一件事，都會想搵一個原因，一個答案。
不過，我開始明白，有時，有好多事情，即使沒有答案，仍然有做既價值、需要。
或者咁做好傻，不過當你一定要有答案既時候，都唔等於你特別聰明，
情況就好似數學家用 i 代表「開方負一」一樣，
有答案，但係仍然係虛數，咁有咩代表性可言？
「凡當兵的，不讓世務纏身，好使那招他當兵的人喜悅。」（提後２：４）
引用聖經既呢一句，係因為上星期六聽既道。
神要每一個人做每一件事都專心一致，不讓其他事情影響。
不但對主既態度要專心一致，而係對平日學業既態度、對自己既感情、甚至對所有事亦要同樣。
距離考公開試只有大約三個月，
我當下要做既事，就係專心一致，不讓世務纏身，努力學業，成為一位好精兵！
以後既日子，星期二、四、六所打既文章，都會用英文。
而一、三、五、日則會沿用中文。
沒有留言:
發佈留言