這幾天自己都有點低落。
見到自己D notes 望極都唔識，又或者有十幾份 notes 要抄成四板 A4，真係好想放棄。
（或者，其實由部電腦壞果一刻，我早已經半放棄？）
突然間，我發現原來自己 Apply 左果一個去上海交流既 Trip，撞正教會既 Camp。
本身問題都不大，但係當我記得要Camp內第二日早上要事奉，
我就知道，又來了⋯⋯
呢次係我第二次想離開香港。
原因？無他，唔多唔少係因為同阿哥有比較既心態，同埋想去其他地方見世面。
只係，我又再次要面臨取捨。
上一次，我希望去交流，但就因為來年既崗位要留低。
我決定聽話，留低喺香港，盡力做好自己既工作。
今一次，我只係想出去玩幾日，不過又再一次完完全全 collision。
「你叫我點相信，兩次都只係巧合？」
我當然想走，但我知我去呢次 trip 只會令我心掛掛，只會唔開心。
但我更加唔明白既係，點解每一次都唔走得？「袮到底想點？」
「不甘心就不甘心，卻像對袮的怨恨，
但求能沒有私心：深愛著袮，沒半點傷感。
別要，不開心地找開心，卻沒有去找原因？
禱告中展望，才察覺突然被抱緊？！」
經過大大小小既衝擊，我心有不甘，亦都十分疲累。
已經無力再去禱告的我， 也想嘗試一下，突然尋回被抱緊的滋味。
（至於點解會改呢一首歌，可能係因為受到雀仔巴打既感動？）
沒有留言:
發佈留言