如果看著我 不妨濛一點

昨天食完花生，睇完 Jasmine 浸禮，感恩的是佢終於浸啦，正式加入教會（雖然五旬節會感覺好唔同，有點古怪）。

或者因為天色昏暗，當我行到落操場，心中突然有種好唔開心，好抑鬱既感覺。同埋一種似曾相識的疏離感。

我突然間想起一句歌「如果看著我 不妨濛一點，完全望表面 或是未完善」。一首原本係寫愛情既歌，居然令我想起自己了：

當每個人都覺得我係「成功人士」，但卻冇人知道我傷害既一位弟兄（或者今日佢已經唔信）。當每一個人都覺得我好硬淨，但事實上卻早已軟弱。當每一個人都覺得我好聰明，但實際上我根本冇野算得上可以誇口.....

轉個 topic，我想到下年讀書，又要孤軍作戰，有一點開心：可以專注，但更多的卻係唔開心：我原來都幾怕寂寞。

我原本以為自己走一年，返到黎，我唔會唔開心，但原來根本唔係。做左一年呢個決定，我發現原來自己係人。

「無奈 你是人 你是人 你是凡人...」