壓力大得分秒想報警

唔知有冇人知道，呢個標題係一首歌既歌詞 (不過重點唔喺呢度)。

先處理完屋企既問題，再處理 MK 一事，然後再要準備英詩朗誦，同時間亦要面對沉重既功課、考試壓力 ... 每日都要攪到至少兩點先訓到。其實，都咪話唔辛苦。

屋企問題

屋企問題，每個人都應該有，或者經歷過。而且每個人都知道，家庭問題係持久戰，並不容易對付。喺今次既家庭糾紛中，雖然我並無任何大損失，但我今次卻做錯了，而且做得十分錯，回想起來都覺得自己可笑。我承認自己係無啦啦玩呀哥，事後我都想同佢道歉。但係一黎佢咁惡，二黎原本既責任同問題根本唔喺我度，三黎我又冇叫佢無啦啦出手打傷人..... 而家，我不但日日都要受氣，而且要替人傳話，但同時又唔可以再發火，壓力真係好大吓。人地話「啞巴吃黃蓮，有苦自己知」，我諗莫過於此。

如果睇唔明既，都正常既。因為「家家有本難唸的經」，我都唔知點表達。何況我既情況，真係唔易講架。

MK 問題

( 已刪 )

太過詳細既事，我唔打咁多了。始終個故事唔短，而且咁做就係對人不尊重。

另一方面就係，我唔希望班主任介入呢件事，或者自作聰明。

英詩朗誦

今次既題目「The feather from an angel 」真係唔錯。個故仔係講有一個人有一個寶箱，入面有一條白色既羽毛，當全世界都覺得條毛平平無奇既時候，嗰個人卻十分堅持「the feather came from an angel」。喺呢篇詩入面，作者想令人知道，每個人都有唔同既堅持、執著，呢啲諗法雖然都係好簡單，卻又十分寶貴。我覺得佢講得好好。

如果睇唔明既，都正常既。因為只有讀過一次，而且體會過，見過，先會真真正正明白。

有冇人呀 ?

我一直都想知道，呢兩個星期入面，我同平時既我有咩唔同。希望大家可以留低幾隻字，或者「得閒飲茶」啦 !