智能手機

純有感而發，冇加是咁的希望唔好扣分。

2013 年，世界真係愈來愈唔同。呢兩日喺科大，見到身邊唔少既同學、朋友，或者係唔識既人，我發現距離感真係好大。

有冇發現，不論搭車也好，搭電梯也好，上堂也好，就算簡單到齋坐也好，你身邊既人（甚至自己）都只會埋頭苦幹喺部手機度，篤呀篤，好似睇少一秒電話都會出事咁，完全冇動機留意下身邊既人同事。

好多內地人話黎到香港，發現人人都好忙，要成日對住部死人電話電腦，究竟係真忙，定係假忙先？

科技以人為本，智能手機想要將人與人之間既距離拉近，但結果，係拉近左，還是拉遠左？

記得有次同屋企人飲茶，飲飲下，有人睇 WhatsApp，有人上高登，有人玩轉珠，結果飯枱上鴉雀無聲，卻也無人知曉。咁到底家人既距離，係因為有電話拉近左，定係比以前無智能手機既年代更遠？身體距離再近，情感上既距離又有冇改善過？定係比以前更差⋯⋯

即使日常吹水，同老死通宵傾談暢飲之時也好，只要一聲「噢噢」，對方既注意力，都番返去佢部手機度，我唔肯定你有冇聽緊我訴苦，但我肯定你冇望住我，而且冇專心去聽囉，好唔尊重。我就算有再多既感慨，都係吞返落肚，暖下胃好過。

所以話，上圖愛因斯坦果句名言，確實有道理。喺攪 GAG背後，有冇想像過有幾咁諷刺？