無題

今日決定唔咁早返科大使功課，因為我知道一做又係一個無底深淵，

係噉做，做完都好似冇咩得著。

唔知係咪呢個 blog 太多人知道，好多野都唔想打到咁明顯。

有時要比人知道真實既自己，壓力都咪話唔大。

所以我直情將個網址轉走，如果邊個有幸有新網址，咁就真係恭喜你，至少我會當你係真心。就算對住自己個 prayer partner 都有好多野唔想同佢講。個問題唔係因為個 prayer partner 唔好，而係我真係唔想講。

尋日搭地鐵既時候用 ds audio 聽歌仔，原本係諗住試下兔仔台喺地鐵收唔收得。

但突然間我聽到一首歌叫做「專家話」。

反思左兩三分鐘，結論係：其實邊個稱得上專家，點解我又要聽專家建議。

十萬樣做法像是對 但錯我也不知
實在沒辦法辨別每樣看法與構思
有專家會食言 一些卻未能辨
誰是對 或會準 或有偏差 有商榷異見

學術既專家可能係 doctor professor，
社運既專家可能係三恥同堆馬後砲，屬靈既專家可能係牧師⋯⋯

牧師叫你唔準講粗口，最好唔好打丁，係咪就絕對啱？又好似唔係，至少我又唔知聖經有提過唔比講粗口，而且大把人話自己「用愛心說誠實話」Hi 人又冇錯。最後誰對誰錯無人知。

依排日日都話攪雨傘運動，有一大堆教授講左好多 19 野，一時雷神又話佔中令香港損失幾多幾多，一時又有其他講好多奇怪 point，最後都唔知邊個岩。

講到尾都係果句，冇人話你係大粒人，我就要聽你講野架？
但係咁又會比人排擠，又或者比人覺得你唔順服。

專家話叫你朝早食早餐唔慳得，因為對個身體好尐。
我地唔知點解，慢慢又會信呢種講法，之後就覺得自己好唔健康。
但係中國人不嬲都係晚餐最大份，咪又長命到六七十歲先死。
所以，個個都唔好信，信自己（我會加多樣信聖經）就夠。
我諗，呢首歌就係想講呢樣？

不過其實我本來上黎打 blog 根本唔係想講呢樣，而係想講我過左 13 個星期有咩野學到。
我諗最重要既係，呢 13 個星期我雖然覺得有點白過，但也無悔。

食左好多次 PIC 會花生，你問我有咩學習我都答你唔到。
我只知晟希叫我食少尐花生，多尐表達自己既立場，其實都真係幾難。
至少，今日既我仍然唔太想（亦都接受唔到）被人 bam。

我選擇沈默，並唔係因為我唔了解問題，而係我清楚，
當我表達意見既時候，我應該要先了解整個問題，確保唔係自己偏見，之後先好出聲。

HI，成份 blog 都唔知自己講緊乜，好想刪左呢篇野。
可能思緒真係太混亂，唔打啦。