始終 D 字唔同左排位，同埋第三代速成取碼有啲唔同。
今次要打上黎既係敬拜，都係果句，唔打落黎第日可能就會唔記得，到時又出動到阿寶就唔好。
教會既敬拜，好多時都係用詩歌黎開始，唱下歌仔，有時有感動下，好聽就唱多兩句，唔好聽就唱少兩句。但一個唔小心，就跌入左「敬拜 = 音樂」既錯誤觀念。至少我試過咁諗。當身邊既基督徒自命清高，話自己唔會攪錯兩樣野、對「敬拜」好清楚，但係就口裡說不，身體卻很誠實：最少佢地不斷追求優美既旋律、更以音樂表現作為敬拜好壞既判斷。
聖經對於敬拜，係咁講既：「 然 而 時 候 將 到，現 在 就 是 了，那 用 心 靈 按 真 理 敬 拜 父 的，才 是 真 正 敬 拜 的 人；因為父在尋找這樣敬拜他的人。」約翰福音 4:23
用心靈：「敬拜」唔係講緊首歌仔好聽就唱多兩句，唔好聽就唔鬼唱。相反，耶穌係要每一個人能夠「盡心、盡性、盡意、盡力去愛主你的神」（馬可福音 12:30），所以，「用心靈」就係講緊「用純潔既內心、全心全意去敬拜」。
按真理：「敬拜」呢個行動，需要根據聖經真理去做，而唔係「有心就夠」。（「誠實」唔係講敬拜要為人誠實，呢點講過 9 億次，唔再提）好多時我地會覺得一個動人既敬拜、澎湃既音樂、專業既敬拜隊就係一個好既敬拜。有部分靈恩教會，更加會喺唱唱下歌仔既時候，無啦啦成個人仆左落地、又或者感動到流淚滿面。有 D 大既營會，會因為台下既會眾喊晒，就覺得係神使用呢個敬拜⋯⋯ 其實呢堆野，根本就冇咩聖經根據（唔通讚美神讚到喊係聖經教導？我只聽過聖經話讚美神係開心），所以並唔係一個「按真理」既敬拜。我唔敢包話神悅唔悅納，但好明顯個方向錯左。
好多時 D 人覺得用音樂、唱歌仔就係敬拜，都會引用詩篇黎做「引證」：
明眼人都知呢個「推論」其實係唔太o岩：詩篇係一本 Songbook，歌詞入面提到可以唱新歌、可以吹角彈琴，並唔係講緊吹角彈琴係唯一既敬拜方法。如果唔係，教會敬拜應該要跳舞，最好仲應該一日唱七次歌仔、跳七次舞，因為：
其實講到尾，就係神冇話要「以音樂，用心靈，按真理」，所以今日我地應該檢討下自己係咪過分著重音樂，以至失卻左敬拜既真正意義同價值。
上得台去帶敬拜，唔係要開演唱會，而係要喺眾人面前，承認神真係果位改變自己、滿有能力既神。唱詩歌既時候，係要心中完全認同詩歌入面講到神既屬性、美善，而唔係著重感覺、音準、感受。如果你未去到可以認同神咁正，倒不如推左個侍奉會更好，唔好因為想唱歌而接，誤人子弟。
再重申一點，我唔係話音樂唔緊要，對音樂有要求既人，唔好覺得我貶低左音樂既價值。我只係想重申一點，音樂係其中一種敬拜既工具，神最看重既，係敬拜者既心，係咪真係「用心靈按真理」去拜佢。
而另一方面，我亦都想提醒一下自己（或者 blog readers），唔好再口多多，好好心咁去讚人地「個敬拜好感動」、「你揀既歌好好」、「你唱歌好好聽 etc... 」。既令弟兄姊妹失焦，落入撒但既圈套不再話下，更顯得自己愚昧。同時，也唔好批評人地「彈錯 key 攪到首歌帶唔到個感覺」、「走晒音唔好聽」呢 d 說話。你真係想人好的話，你為佢私下祈禱好過，除非你唔信祈禱有用啦。（咁如果你真係覺得祈禱冇用，請考慮清楚應唔應該信落去）
今日我去學結他，其實問心都係有 d 過火，因為我覺得敬拜一定要識學器，但其實神要既唔係我支結他，而係我真心敬拜佢既心，以及一個根據真理既敬拜。
雖然我唔會唔學，但係唔會睇得好似以前咁重。
教會既敬拜，好多時都係用詩歌黎開始，唱下歌仔，有時有感動下，好聽就唱多兩句，唔好聽就唱少兩句。但一個唔小心，就跌入左「敬拜 = 音樂」既錯誤觀念。至少我試過咁諗。當身邊既基督徒自命清高，話自己唔會攪錯兩樣野、對「敬拜」好清楚，但係就口裡說不，身體卻很誠實：最少佢地不斷追求優美既旋律、更以音樂表現作為敬拜好壞既判斷。
聖經對於敬拜，係咁講既：「 然 而 時 候 將 到，現 在 就 是 了，那 用 心 靈 按 真 理 敬 拜 父 的，才 是 真 正 敬 拜 的 人；因為父在尋找這樣敬拜他的人。」約翰福音 4:23
用心靈：「敬拜」唔係講緊首歌仔好聽就唱多兩句，唔好聽就唔鬼唱。相反，耶穌係要每一個人能夠「盡心、盡性、盡意、盡力去愛主你的神」（馬可福音 12:30），所以，「用心靈」就係講緊「用純潔既內心、全心全意去敬拜」。
按真理：「敬拜」呢個行動，需要根據聖經真理去做，而唔係「有心就夠」。（「誠實」唔係講敬拜要為人誠實，呢點講過 9 億次，唔再提）好多時我地會覺得一個動人既敬拜、澎湃既音樂、專業既敬拜隊就係一個好既敬拜。有部分靈恩教會，更加會喺唱唱下歌仔既時候，無啦啦成個人仆左落地、又或者感動到流淚滿面。有 D 大既營會，會因為台下既會眾喊晒，就覺得係神使用呢個敬拜⋯⋯ 其實呢堆野，根本就冇咩聖經根據（唔通讚美神讚到喊係聖經教導？我只聽過聖經話讚美神係開心），所以並唔係一個「按真理」既敬拜。我唔敢包話神悅唔悅納，但好明顯個方向錯左。
好多時 D 人覺得用音樂、唱歌仔就係敬拜，都會引用詩篇黎做「引證」：
「你們要向耶和華唱新歌， 全地都要向耶和華歌唱。」（詩篇 96:1）
「要吹角讚美他， 要鼓瑟彈琴讚美他。 要擊鼓跳舞讚美他， 要彈奏絲弦的樂器和吹簫讚美他。」（詩篇 150:3-4）
明眼人都知呢個「推論」其實係唔太o岩：詩篇係一本 Songbook，歌詞入面提到可以唱新歌、可以吹角彈琴，並唔係講緊吹角彈琴係唯一既敬拜方法。如果唔係，教會敬拜應該要跳舞，最好仲應該一日唱七次歌仔、跳七次舞，因為：
「我因你公義的典章， 一天七次讚美你。」（詩篇 119:164)
其實講到尾，就係神冇話要「以音樂，用心靈，按真理」，所以今日我地應該檢討下自己係咪過分著重音樂，以至失卻左敬拜既真正意義同價值。
上得台去帶敬拜，唔係要開演唱會，而係要喺眾人面前，承認神真係果位改變自己、滿有能力既神。唱詩歌既時候，係要心中完全認同詩歌入面講到神既屬性、美善，而唔係著重感覺、音準、感受。如果你未去到可以認同神咁正，倒不如推左個侍奉會更好，唔好因為想唱歌而接，誤人子弟。
再重申一點，我唔係話音樂唔緊要，對音樂有要求既人，唔好覺得我貶低左音樂既價值。我只係想重申一點，音樂係其中一種敬拜既工具，神最看重既，係敬拜者既心，係咪真係「用心靈按真理」去拜佢。
而另一方面，我亦都想提醒一下自己（或者 blog readers），唔好再口多多，好好心咁去讚人地「個敬拜好感動」、「你揀既歌好好」、「你唱歌好好聽 etc... 」。既令弟兄姊妹失焦，落入撒但既圈套不再話下，更顯得自己愚昧。同時，也唔好批評人地「彈錯 key 攪到首歌帶唔到個感覺」、「走晒音唔好聽」呢 d 說話。你真係想人好的話，你為佢私下祈禱好過，除非你唔信祈禱有用啦。（咁如果你真係覺得祈禱冇用，請考慮清楚應唔應該信落去）
今日我去學結他，其實問心都係有 d 過火，因為我覺得敬拜一定要識學器，但其實神要既唔係我支結他，而係我真心敬拜佢既心，以及一個根據真理既敬拜。
雖然我唔會唔學，但係唔會睇得好似以前咁重。
沒有留言:
發佈留言