考完車牌

終於比我及格左，考到 1 2 號車牌。

第一件事當然就係要感謝神，因為係佢令我明白要虛己，依靠神，不再高舉自己既能力。
第二件事當然就係感謝大家既代禱，因為有你地既代禱，我先可以捱到朝早 11 點。
第三件事梗係多謝曾 Sir 教得我好好。

問題：「咩叫捱到朝早 11 點⋯⋯」

考完車，經歷完一次屬靈既高峰，唔知點解，就會極速跌入谷底。
一返到屋企冇耐，就已經放軟晒手腳，口中雖然存感恩，但唔小心仲上陣網丁埋。

我終於明白到，士師記入面既以色列人，點解會多次離棄神。
每一次人民認罪悔改，神就會興起一個先知，為當時既以色列人解決難題。
但當難題一解決，以色列人就會慢慢忘記神既同在，
慢慢變的鬆懈，開始犯罪、最後離棄神，遭受神既責罰。

其實今日當我會話以色列人成日驚動「阿寶」，其實我都唔係真係咁好。
身處蒙神帶領，面前一片光明既光景，人會放軟手腳，相信自己，不再以神為首，開始犯罪，呢個可能真係人既天性。
無論決志與否、受洗與否，罪性依然存在。

我呢，一考完車，就大起大跌，一下子就跌到唔覺意丁。
我應承左衝仔要戒一年，今日已經宣布走數。
如果我話，2015 年 1 月 2 日後，我一年內（即係直至 2016 年 1 月 1 日前），
都唔可以再丁，唔知做唔做到呢？

我想神再次原諒我呢個心術不正既罪人，我想靠佢既力量度過 2015，
我想 2015 年成為我既靈命、個人既起飛點，唔知得唔得呢？

不過，我思想左一陣，我覺得自己都幾狗。有事先搵神？

但另一方面，我會明白到：如果連神都唔搵，你仲可以靠邊個？
所以，今日我決定向神認罪，求佢帶領我喺 YRC Camp 入面，能夠有所得著。

肚子很餓，吃飯，下次再打。