今日幫地產公司起好一個網頁初稿，用左人地既 Template 去做，用既時間唔多，一小時內攪掂，只欠將公司資料過過黎、改圖、同埋擬定 Post 內容。將 Blogger 改成公司網頁係一個新嘗試，好有意思。感覺上，當我去努力做好一個網頁、一個程式，我就搵到成功感咁。雖然我寫得唔夠人靚，做得唔夠人犀利，但都算係咁啦，見得人出到街既。
突然間，我喺度諗，如果 CCC 個網都可以攪好 d，其實都唔錯？
講起 CCC，其實自己都算抽離。
面對好多既侍奉，已經慢慢失去左果種滿足同樂趣。我見到好多既科大人生活失喪放蕩，也見到好多人為名為利猛追... Year 1-2 既我，好渴望佢地信主，但今日既我，對住呢班人，我覺得有點麻目。唔係想睇住佢地死，只係愈來愈覺得無力挽回。
另外見到身邊既 b/s 火熱侍奉，靈命起飛，個個十足成功人士，但係我就抽離晒，花生政治，我開始唔同步了。有人話我下年會上 stage 4，但其實我下年都會去 intern... 何況就算留都未必上 stage 4 啦？
講起 intern，我仲未收到老細既 formal confirmation letter，其實有點擔心一切落空，到時所有既野都歸零，又已經冇時間再搵過份... 咁都幾大鑊。其實我真係接受唔到呢種考驗⋯
諗諗下，如果我去左 intern，FYP 就要同唔識既人做。雖然好處係可能可以識個朋友同佢傳福音，但係果種喺科大既孤獨感... 真係唔知點過。諗起我好難得先喺呢個地方建立關係網，但一想起最好果班朋友 grad 晒，其他人只係同我 Hi Bye，建立三年（加埋神所賜既）關係網一下子就瓦解⋯ 雖然唔想接受，但係我應該接受到既。
Grad trip 原本想去 NK，依家唔知使唔使 FA 呢？cathy bb 仲話想去韓國旅行，錢都未儲到，時間又冇⋯ 其實我都唔想架，攪到大家唔開心，諗起都想逃避。
或者咁講，我深信天父知道我既思緒有幾混亂，但係其實諗起聽日要繼續帶組，冇得走數，又係不爭既事實。我想 prep 好小組，唔想誤人子弟，令人認識錯神。但係我喺帶小組果陣又愈來愈抽離，天父吖，不如你幫下我吖⋯ 我都想知點算。
唔打落去啦，出面個個睇緊第二人生，實在太吸引，攪到我腦閉塞晒⋯
沒有留言:
發佈留言