ST Camp 後至今日

倍增者 VS 離群者

有樣畫面，係我好想記低：就係完左 ST CAMP 當日，我見到楚翹同 Aug 「道別」，之後就同佢新 Department 既人一齊去左食飯，而 Aug 就留喺後面班畢業生度。感覺就好似，Aug 既組員終於離開組長既搖籃，投入 movement當中，學習成為倍增者。呢個畫面令我幾深刻，或者，做人組長最想既，就係見到呢個畫面成就。我暫時都未經歷過⋯

不過始終都係要走，Camp 最後果日，見到羊圈開始上神檯、後來衝仔生日，見佢講多左好多正經、鼓勵野，而且呢幾日見佢主動帶領 AGM 拍片同 Indi 開會⋯ 我發現，原來身邊既人已經變左了。

說穿了，就係自己一直都冇乜成長，一直都擺脫唔到果個「認同問題」（我每日都同自己講擺脫到，可惜唔得），甚至連成績都冇變好過（midterm 連炒三科 Below mean，跟住再望住衝仔三科 Above mean，仲一科幾乎滿分）。

我同身邊既人距離愈來愈大。

身邊每一個，有成長既、有開始帶領既⋯ 佢地不斷向前衝，而我就開始抽離呢個群體。心中雖有不捨，但諗真落去，我都係要走，至少我唔想後悔多次。

我有諗過點解我會毫無長進（甚至退步），但我真係諗唔明。

「很想喊，像幼小，一不高興喊夠忘記了。」但我知道冇用，因為唔會有人得閒停低安慰我，而神亦唔會比我一夜之間重寫整個人生。

結論唯有接受。

整板 VS 做好人

今日幫保羅做塊 STM32，唔知點解，插乜都係白屏幕，諗極都唔明發生咩事。Program 已經係用原廠驅動，但都係無動於衷，真係唔知可以點。我諗緊，佢會唔會覺得我廢，大隻講，砌唔到又要拎黎砌... 又或者覺得我坤佢買塊 LCD，攪到佢時間又冇錢又冇。

原來，做好人真係唔容易，更何況要負責埋幫手買、砌⋯ 其實本身我係想佢地學下野，自己做，但最後佢地既進度⋯ 真係有點驚人。願神祝福喇，唔想佢地下年又見 FOX。

果效 VS 使用

今晚出完 Hall blitz，又食白果，摸足全晚門釘。有時會諗，點解我一直忠心事主，但都冇乜野睇。不過都慣，如果神真係使用，當然感謝神，但如果神唔用，就唯有當我打攪人地囉。反正我都唔知如此侍奉是否正確。「忠心事主，一生跟隨」，最難既位，原來係對自己一直既侍奉方法產生動搖。

God, Why would you do these...