原本星期日例排要飲茶，但吖媽聽到我話攰，幫我推左。感謝媽咪，呢句講唔出口，唯有打上呢度。
早左起身，其實應該責無旁貸要返主日學（牧師係咁講），但我實在好想享受呢個寧靜、舒適既早上。我知道，牧師即信息幫唔到我，因為我清楚自己最缺乏既，其實唔係信息，而係獨處安靜既時間。
INTERNSHIP
番左工，做左成個月，出埋第一次糧。對我來講，要我分享有咩感受，除左攰，我諗唔到仲有咩形容詞。自問做到足，日日八點九返到，六點半先走，有時遲走到連 43P 尾班都趕唔切，唯有死死氣坐地鐵，又貴又慢，返到屋企已經差不多八點，第日八點前又出門。
呢個星期女人去左旅行，自己反而放鬆左。因為多左時間休息、多左同吖哥傾計，多左時間瞓覺，多左時間放空。
FELLOWSHIP
正式成為團契職員，感覺有點吃力，因為原來開會同 CCC 一樣咁密，仲有門訓、預查、有時仲有特別會議、做文書更加要學下打字（我學緊倉頡，暫時打字速度仲慢過打速成，但向來打字慢），仲有支援組長⋯
所以其實真係除左攰同忙，就再諗唔到其他野。我都好想花多 d 時間食 megamind 尐花生（同講野），但見到咁多 post 追唔切，有時真係好暈。
PRICE VS. VALUE
前日 MK（🐔...）生日，又再揶揄我份 intern 賺到既錢仲少過佢幫小學生補習⋯ 之後又話工grad完出到黎可以再打，叫我唔好咁恨做打工仔，浪費時間。
仲問我既價值係咪只甘心每月 8k，其實我聽完都幾唔爽：點解要用薪水黎決定我既價值同意義....
至少，我做工程、學軟硬件，比起你呃小學生家長錢，更有理想同意義吧？
ENDING
打到咁上下啦，9:30 了，就黎要起身返教會崇拜、之後職員預查，起碼攪到四點先返到屋企。
我諗，我唔可以再話攰啦，再咁落去每個人都怕左揾我⋯⋯ 我想獨處啫，唔代表我想孤獨。
ONE MORE THING...
呢排因為忙（？），或者屬靈左（？？？），六月到依家只丁過一次。到底係好事定壞事？
沒有留言:
發佈留言