「我的少女時代」

兩個月冇上黎打字了。或者，原因係因為每一次上黎打字，望住空白既頁面，同埋一閃一閃既游標，心中既念頭就會慢慢消失⋯ 

今日都唔例外。原本有好多野想講，但望住畫面，就咩都講唔出。題目都想好了，但係就寫唔落。

尋晚睇完「我的少女時代」，覺得中學既日子真好⋯ 心中氾起好多唔同既畫面。不其然地代入左林真心既角色。

中學既我冇「男神」或者「女神」。初中既我，只識讀書，而且混亂之下拒絕左一個女仔既好意。而高中既日子，就係同好友反面，參加 Polaris，信耶穌，開始三角關係（最後修成正果），唔再死讀書，grad din 做 MC，最後就入 U，同身邊既人分開。想起來，每一個片段，原來係咁令人懷念。（但其實都只算平淡）

又或者，原來返工既日子係咁辛苦。

例如：昨天剛同老細請左四日假期，準備參加 Vision Camp 2016，想花時間安靜自己，專心聆聽神自己。但換來的就係八個星期六要 make up。我有懷疑過值唔值得，但我希望自己既然用信心擺上，就唔再去計算太多。

就到九龍塘站了，又要迫過。

今日寫住咁多先

（第一次在九鐵打 blog ）