警告：以下內容含有 Spoiler。如果你想自己睇套戲，就唔好睇落去，咪話我冇提你。
故事開始, 主角 Megamind 一出世就同父母分開，喺監獄中長大，受人唾棄。
而另一個主角，MetroMan，又係同父母分離。不過佢比富貴人家收留，而且受人愛戴。
佢地兩個都係喺同一間學校讀書，但係 Metroman 因為聰明，能力多，好自然就成為左班上既英雄，受人愛戴。但另一方面，Megamind 因為外表奇怪，能力差，就被班上既同學仔取笑，排斥。直至有一日，Megamind 發現自己只要成為邪惡，就可以證明自己既價值，成魔之路就咁開始：佢要決心打敗 Metroman。後來，Megamind 意外地擊敗 Metroman。但隨之而來既，係「無敵是最寂寞」既空虛。佢決定再造一個正派角色，令自己有番個對手。不過，實驗失敗——世界上多左個反派角色，所以Megamind 唯有改邪歸正，救返個世界。
或者因為劇情太過 Classic，又或者 Megamind 既樣子不太討好，呢套戲喺香港慘淡收場。但另一方面，我相信呢套戲既主線，不在於3D效果、激烈情節⋯⋯ 相反，重點在於 Megamind 同 Metroman 既角色塑造。
Megamind 自小就冇乜自信，個頭又大又樣衰，永遠被人標籤成為罪犯，冇人打算接受佢。即使佢愛上左一個女仔，都被迫要將自己變身成另一個人先敢去追，後來更因為意見不合，同自己既好朋友 minion 反面。但另一方面，其實 Megamind 思想簡單，單純而誠實，只係想有人接納自己。
而另一個主角，MetroMan，又係同父母分離。不過佢比富貴人家收留，而且受人愛戴。
佢地兩個都係喺同一間學校讀書，但係 Metroman 因為聰明，能力多，好自然就成為左班上既英雄，受人愛戴。但另一方面，Megamind 因為外表奇怪，能力差，就被班上既同學仔取笑，排斥。直至有一日，Megamind 發現自己只要成為邪惡，就可以證明自己既價值，成魔之路就咁開始：佢要決心打敗 Metroman。後來，Megamind 意外地擊敗 Metroman。但隨之而來既，係「無敵是最寂寞」既空虛。佢決定再造一個正派角色，令自己有番個對手。不過，實驗失敗——世界上多左個反派角色，所以Megamind 唯有改邪歸正，救返個世界。
或者因為劇情太過 Classic，又或者 Megamind 既樣子不太討好，呢套戲喺香港慘淡收場。但另一方面，我相信呢套戲既主線，不在於3D效果、激烈情節⋯⋯ 相反，重點在於 Megamind 同 Metroman 既角色塑造。
Megamind 自小就冇乜自信，個頭又大又樣衰，永遠被人標籤成為罪犯，冇人打算接受佢。即使佢愛上左一個女仔，都被迫要將自己變身成另一個人先敢去追，後來更因為意見不合，同自己既好朋友 minion 反面。但另一方面，其實 Megamind 思想簡單，單純而誠實，只係想有人接納自己。
＾Megamind:「如果我並唔簡單⋯⋯如果我係光頭，顏色又古怪，你仲會唔會想同我一齊？」
Metroman 相反，細細個已經係萬人迷，威風正義。每一個人都覺得佢係民族英雄，市政府更加整左個博物館去歌頌呢個大人物，前途似乎一片光明。不過，其實佢同 Megamind 一樣，都係喺人地賦予既身份中迷失。佢唔想做英雄，只係身份、角色、環境令佢冇得揀咁解。
＾Metroman:「我發現，其實我地都一樣。一生人都只係逢場作戲——活喺人哋既期望之下」
回想社會，回想自己，不難發現，其實我哋每一個人都生活喺一個「期望」，又或者，係一個「角色定型」之下：「傑青 vs 廢青」，「男 vs 女」，「基督徒 vs 未信者」，「正義 vs 邪惡」？「做得好 vs 做得差」⋯⋯ 又或者，我哋會唔會已經人云亦云，胡亂幫人去定型，令人冇得翻身：「好人 vs 壞人」，「友方 vs 敵方」，「市民 vs 政府 」⋯⋯（本文無意討論香港政治）
當每一個人以為：正義與邪惡、正確與錯誤必定對立。毛百萬帶每一個觀眾進入一個更深既反思：角色定型既原因何在？或者，每事每物，背後意義都值得讓人深思，只係我地會否迷失，甚至喪失自己。
呢套戲作為兒童卡通，只能算是不過不失。有正義，有反派，有大團圓結局。但作為成年觀眾，Megamind 同 Metroman 既內心世界，相信會讓人有更大既反思，更有味道。
（又或者，作為成年觀眾，你根本冇思考）
＾Metroman: 「我只記得，我一直被要求，成為別人想我成為的人」
我希望自己思想更多，
也希望任何人，不要再把他們自己覺得對的事、覺得好的價值觀，強加於別人的身上。
未了解事情，就不要盲目批評別人對與錯。
因為，這不單是對別人的束縛，也是對世界的無知。
沒有留言:
發佈留言