其實，用心鋪排文字打成一篇網誌，
比起用 Facebook post 既一張相，兩句字，更有意思，不是嗎？
唔係又學人懷舊，只係新功能 gone too far
Gone too far，即係「太過分，超過了本身應該要做既事」。
Facebook 可以即時上載相片，影片，即時分享，將「即時」性不斷強調，
但係，當事情走得太快，點會令人願意停一下，用心去鋪排過？
記到既事情，又有幾多？
WhatsApp 可以跨台免費短信，又可以 send 圖，歌，片，地址，
但同時，「最後上線時間」令人將回應信息，變成唔想朋友胡思亂想既例行公事。
內容又可以幾多意思？
只可以話，They're gone too far.
Google Reader 執笠，只因大勢所趨
事實上寫Blog 既人愈來愈少，
以往，可以透過睇對方既 Blog 了解對方心事，或者更多，
也可以利用 Blog 去睇到更加多新奇人事。
但直到今日，同學仔既 Qooza 兩年冇登入過一次，
Xanga 差點要清盤，WordPress 都要開始賣廣告...
相反，所有人都用 Facebook，一張圖，一句起兩句止，就可以收工等 like。
速食文化愈來愈盛行，Google Reader 就愈易成為犧牲者。
咁即係點？
筆者喜歡用 Blogger 去講自己既事，也喜歡睇 blog：因為表達到更多深度。
也有用 Google Reader 去訂閱女友既 Qooza，
因為筆者相信，愛，不只一句「我愛你」，而係要互相了解更多，更多⋯⋯
沒有留言:
發佈留言