六月總結

有部份野因為已經隔左一段時間，冇辦法完全記得。
不過因為呢個月係幾有意義既一個月份，所以一定要用時間軸順序數，希望有幾多記幾多。

Engine TA：終極目標
其實，我一直都唔太明白 Engine TA 係要做尐咩，出現既原因係咩。
1314 年既學園事奉我一直都有問緊，「乜 Department 既人唔屬於果個目標區既咩？」
點解 Department 可以做緊自己野，而 TA 又話要得著返自己既目標區？
來年，我被「空降」成為左 Engine TA 既 PIC，心中既疑問就更加大了：
「咩係 TA？要做咩架？唔通又要係咁上台講野，又要攪兩個佈道會？」

當日，我唯有問下 Jason 發生緊咩事。最後得出大概係以下既資料：
因為 Movement 既目標係：得著今日校園，改變明日世界
所以 Engine TA 既目標就同樣係：得著目標區（Engine 同學）

「建立運動的五個階段」：
Preparation -> Penetration -> Concentration -> Saturation -> Continuation
而 Engine TA 正正就處於 Preparation -> Penetration 的位置

要成功離開 Preparation（預備階段），需要繼續有：
1. 更多參與運動的人（人力）        2. 持續禱告（神力）
要成功進入 Penetration（滲透階段），需要開始有：
1. 更強大的團隊（人力）     2. 靈命素質上提升（靠聖靈行事，屬靈呼吸）
3. 更強的傳福音心志（願意委身度上升、成功被異象感染）

所以，下一年如果要讓目標區持續發展，不致斷棒或者停滯不前的話，
必須要有以下幾個目標：
1. 恆切的禱告力量（禱告生活上改善）
2. 結出成熟的果子（以至更多人願意委身參與）
3. 熱心的傳福音生活（有利個人造就，以及找出更多果子）
4. 屬靈倍增，而非屬靈加法（有利貼身造就，並加快進入下階段的時間）

既然目標清晰，我要怎樣去靠著天父，走下一步？
我需要更大的信心、更加需要了解 Committee、Engine 的 ST﹠GW 以及順服天父。
下一步，將會完成 SPP 和 JD，希望可以了解現有資源發現況更多，以作出更好既抉擇。

安德烈團夏令營
今年見列好多既 b/s 禱告中流淚，其實幾感動：
因為佢地既生命改變，係用再多既物質都買唔到。

另外，今次營會亦都讓我重新認識《士師記》。
書中尾句：「那時，人民沒有王，各人都行自己看為對的事。」
仲記得，我當時讀經都唔明白點解呢本書會用呢一句收尾。
但傳道人（陳姑）提到，原來作者並不單指「以色列國沒有地上的君王」，
而是指「以色列人不把耶和華當作心中的王，反倒偏行己路」。

回想起士師記中，以色列人七次離棄但又求告耶和華⋯⋯
其實，自己又何嘗不一樣？每隔幾日，自己就往往會因軟弱陷入罪惡中
（例如放蹤自己既言行、情緒、慾望 etc.，最後又認自己有罪），
開口都未完，出左營會之後兩日，我已經又放蹤左一次啦⋯⋯

還有就係，當日大家都話好唔想走。我有時會反思，
到底係咪因為營會入面大家都好離地，令到大家都好 high 而唔想出 camp？
還是因為俗世社會太這混亂、太多紛爭同試探，所以先令我地害怕去面對？

世務的確滄茫急變，人心猜疑不安，信徒亦不能免疫於此。
我突然之間，覺得教會係一片樂土⋯⋯
至少大家彼此相愛，連我想學結他都有弟兄願意主動幫助。

團契組長
今年仍然做緊組長，並冇成為職員。其實係好事黎既。
祈禱尋求既時候，我並沒有見到任何異象、聽到任何聲音。
不過，我的心中有盼望，希望來年可以做得更好，更有效去認識組員。
我好希望，我可以真正地投入團契呢個群體當中，
真正主動認識一班自己一向唔熟既團友。
而呢一樣野，正正係做職員或者普通團友做唔到既野。
所以，我希望先為佢地每一個人都祈禱，然後先開 Group 去彼此認識。

Summer Semester 開始
COMP4901c 同 ELEC1100 都係 Intro course，難度不大，
但一個星期要返四日科大，真係同開學冇分別可言⋯⋯
我要儘快習慣呢種生活了，免得好似上個 sem 咁：完 sem 先有開學既感覺。
加油努力！因為呢兩科都好有趣，都希望考好尐：但求無悔。


PS：尋日太忙，又要去目的地試車，又要幫爺爺（一個弟兄）整 Macbook，所以對囡囡語氣重左幾句，希望真係會冇事啦。

「我來了，是要叫羊（人）得生命，並且得的更豐盛。」約 10：10
但願黎緊呢年，我能更深切去體驗到呢一句金句所講：一個真正「豐盛」既生命！